МУГЖ Э.Анхбаяр “Монгол ба сонгодог” гранд тоглолтоо ирэх сарын 18-нд Соёлын төв өргөөнд хийхээр товложээ. Тодруулбал, тус тоглолт нь Монгол  сонгодог бүтээлийг дэлхийн сонгодог болон дэлхийн дэлгэмэл бүтээлтэй хослуулан Монгол Улсын сонгодог урлагийг сурталчлах, мэргэжлийн  урлагийн үнэлэмжийг  нэмэгдүүлэх байр суурийг бататган ахиулах  гэсэн зорилготой байна.

     “Монгол ба Сонгодог” тоглолтод, ҮУИТ найрал хөгжим, симфони оркестр, Анир поп оркеструуд, УДБЭТ-ийн найрал дуучид, ЦДБЭТ-ын найрал дуучид болон МУГЖ Ө.Уянга, Б.Гомбо-Очир, СТА, Б.Отгонжаргал, Б.Баярцэцэг, Мотив хамтлаг оролцох аж.

       МУГЖ Э.Анхбаяр нь ОХУ-ын Санкт-Петербург хотноо зохион байгуулсан сонгодог урлагийн олимп гэгдэх П.И.Чайковскийн нэрэмжит олон улсын XVI уралдаанд амжилттай оролцож, IV байрын шагналын хүртсэн билээ. Мөн 2012 оны арванхоёрдугаар сард ОХУ-ын Москва хотноо зохион байгуулагдсан М.Глинкийн нэрэмжит олон улсын дуурийн дуулаачдын 24-р уралдаанд амжилттай оролцож, хоёрдугаар байр эзэлсэн. Мөн 2016 онд Унгарын Будапешт хотноо болсон Эва Мартоны нэрэмжит  дэлхийн А зэрэглэлийн дуурийн дуулаачдын уралдаанд тэргүүн байр зэрэг амжилтыг гаргасан юм.