Хятадын орчин үеийн уран зохиолын гол төлөөлөгч Үй Хуагийн "Вэн хот" романы нээлт энэ сарын 28-нд болохоор болжээ. Тус зохиолыг яруу найрагч, орчуулагч М.Батбаяр орчуулсан бөгөөд нээлтийнхээ үеэр номынхоо тухай уншигчидтай чөлөөт ярилцлага өрнүүлэх байна. Тэрбээр өмнө нь Үй Хуагийн "Амьдрахуй" тууж, "Надад нэр байхгүй" өгүүллэгийн түүвэр, "Цусаа худалдсан тэмдэглэл" романыг орчуулсан билээ. Үй Хуа зохиолчийн аав, ээж нь эмч мэргэжилтэй бөгөөд өөрөө мөн шүдний эмчээр таван жил ажилласан байна.