Энэхүү жүжиг нь Брехтийн “Эпик” театрын арга барилаар бүтээгдсэн бөгөөд үйл явдал нь дэлхийн 1-р дайнаас 2-р дайны хооронд дахь цаг хугацаанд Хятад улсад өрнөх байна. Брехт энэхүү жүжигт Хятадын театр урлагийн зарим уламжлалыг шингээсэн гэж үздэг байна.

       Жүжгийн ерөнхий найруулагч Э.Ёндоншарав нь  ОХУ-ын Москва хотод  ГИТИС  театрын сургуулийн театрын найруулагч мэргэжлээр суралцаж төгссөн байна. Тэрбээр  Улсын Драмын Эрдмийн Театрын тайзнаа Ардын жүжигчин  А.Очирбатын “Буруугуй буруутан”, Грек улс Афина хотод Еврипидийн “Электра”, Москва хотод М.А.Булгаковын “Морфий”, Украйн улсад М.Камолеттийн “Бойнг Бойнг”, Завхан аймагт “Жангар” жүжгүүдийн ерөнхий найруулагч, Ардын уран зохиолч Б.Лхагвасүрэнгийн  “Тамгагүй төр” жүжиг, Ардын хувьсгалын 100, 101 жилийн ойн Үндэсний их баяр наадмын нээлтийн үйл ажиллагааны ассистент найруулагчаар тус тус ажилласан юм.