• Өнөөдөр 2026-06-29

С.Заяасайхан “Melody of The Steppe” үзэсгэлэнгээ АНУ-д дэлгэнэ

2022-10-21,   886

    Монгол Улс, Америкийн Нэгдсэн Улсын хооронд дипломат харилцаа тогтоосны 35 жилийн ойг тэмдэглэх хүрээнд Монгол Улсаас АНУ-д суугаа ЭСЯ-нд арваннэгдүгээр сарын 4–10-нд зураач С.Заяасайханы уран бүтээлийн “Melody of The Steppe” үзэсгэлэнг дэлгэхээр болжээ.
 
Монгол Улсын Соёлын элч, зураач С.Заяасайхан өөрийн уран бүтээлээр дамжуулан монгол хүний оюун билэг, авьяас чадварыг дэлхийн олон нийтэд таниулж буй уран бүтээлч бөгөөд түүний бүтээлүүдийг олон улсын урлаг судлаач, уран зураг сонирхогчид өндрөөр үнэлдэг.
 
     Тэрбээр эртний уламжлалт ёс заншил, Монгол болон төв Азийн нүүдэлчин ард түмний өв уламжлал, өдөр тутмын амьдрал, байгалийг өрнө, дорнын арга барилыг хослуулан дүрсэлдэг бөгөөд сүүлийн 17 жил  АНУ, Япон, Франц, Хонконг, Тайвань зэрэг улсад 30 гаруй үзэсгэлэнд оролцож, өөрийн бие даасан 15 гаруй үзэсгэлэн гаргасан Монголын шинэ цагийн чадварлаг уран бүтээлчдийн нэг юм.
 
      Зураач С.Заяасайханы уран бүтээлийн “Melody of The Steppe” үзэсгэлэнгийн нээлт 2022 оны арванэгдүгээр сарын 4-ний өдрийн 17:00 цагт Монгол Улсаас АНУ-д суугаа Элчин сайдын яаманд болно. Тус үзэсгэлэн үнэ төлбөргүй бөгөөд ирэх сарын 4-10-нд 10:00-17:00 цагийн хооронд үзэх боломжтой аж.

С.Заяасайхан “Melody of The Steppe” үзэсгэлэнгээ АНУ-д дэлгэнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.