Домог болсон физикч, 20-р зууны шинжлэх ухааныг гэрэлтүүлэгч Альберт Эйнштейн физикийн салбарын хөгжилд маш том хувь нэмэр оруулсан билээ. Түүний харьцангуй онолын талаар сонсоогүй хүн ховор биз ээ. Тэгвэл 1905 оны энэ өдөр Альберт Эйнштейн "On the Electrodynamics of Moving Bodies" буюу одоо бидний нэрлэж заншсанаар "Харьцангуйн тусгайн онол"-ын өгүүллээ хэвлүүлж байжээ. Энэхүү өгүүлэлдээ тэрээр орон зай ба цаг хугацааны суурь ойлголтыг шинээр тодорхойлсон юм. Суут физикчийн хамгийн уран цэцэн, хурц ишлэл, хэлсэн үгнээс хүргэж байна.

Хүн хэдий ухаантай байх тусам тэр чинээгээр өөрийнхөө тэнэгийг амархан хүлээн зөвшөөрдөг.

Би галзуу юу, эсвэл бусад бүх хүн галзуу юу” гэдэг асуулт намайг мухардалд оруулдаг.                     

Шашингүй шинжлэх ухаан бол доголон, харин шинжлэх ухаангүй шашин бол харалган. 

Бодол төсөөлөл нь мэдлэгээс чухал. Мэдлэг бол хязгаарлагдмал. Харин төсөөлөл бүх дэлхийг хамарч, хөгжил дэвшлийг дэмжиж, өөрчлөлтийг төрүүлдэг.

Оюун ухааныг бурханчлан шүтэх хэрэггүй. Түүнд хүчирхэг булчин байдаг ч нүүр царай байдаггүй.

Бид их зүйл мэдэх тусмаа улам бага ойлгодог.

Амжилтад хүрэх гэж битгий тэмүүл, харин амьдрал чинь утга учиртай болох тэр зүйл рүү тэмүүл.

Хүн бүр энэ дэлхийгээс авсныхаа хэмжээгээр буцааж өгөх ёстой.

Хүмүүсийг сургах цорын ганц ухаалаг арга бол тэдэнд өөрийн биеэр үлгэр жишээ үзүүлэх.

Дэмий, хэрэггүй оролдлого хийж байдаг хүмүүс л боломжгүй зүйлд хүрч чаддаг.