Rokitbay хэмээх тайзны нэрээр алдаршсан О.Баярсайхан “The broken soul” хэмээх шинэ уран бүтээлээрээ эргэн ирлээ. Тэрбээр хөгжмийн ертөнцөд тэгээс эхэлж, бүх дууныхаа үг, аяыг өөрөө бүтээж, өөрийн өнгө аясаар хип хоп хөгжмийн салбарт манлайлж яваа залуусын нэг билээ. Түүний шинэ уран бүтээл нь есдүгээр сарын 24-нд цацагдсан бөгөөд одоогоор 270 орчим мянган үзэлттэй байна. Үүнтэй холбоотойгоор реппер Rokit Bay онцлох таван уран бүтээлийн уншигчдадаа хүргэж байна.

        1. Нэг өдрийн хаан

  Нэг өдрийн  хаан дуу нь 3.9 сая удаа сонсогдсон. Одоогоос 11 жилийн өмнө энэхүү дуу цацагдсан бөгөөд “Rokit bay”-ийн хамгийн алдартай дуунуудын нэг.

       2. Аз хамаагүй

      Амьдралд амархан олдох зүйл байдаггүй. Зарим хүмүүс үүнд гунин урагшлах зорилгогүй болдог. Тэгвэл энэ дуу үүний эсрэг надад аз хамаагүй би урагш тэмцсээр байх болно хэмээх санааг агуулсан.

   3. Чөтгөрийн PR

     Тэрбээр уг дуугаа одоогийн нийгэмд эвдэрхий хүмүүсийн гол эх үүсвэр хаанаас гарч байгааг гарган дуулжээ. Хэрвээ чөтгөр байдаг бол бидний хийж байгаа янз бүрийн муу, муухай бүхнийг яаж орчин үед сурталчилж, өсвөр насныханд хүргэж уруу татах байсан бэ гэдэг өнцгөөс өөрөөрөө төлүүлж, гаргаж ирснээрээ сонирхолтой дуу.

     4. Бор арьст гаамп

Forrest gump киноноос сэдэвлэн дууныхаа клипийг бүтээсэн. Хүнтэй гэрлээгүй залуу хүмүүст зориулан хөгжилтэй хэв маягаар энэ дууг зохиомжилсон. Rapper “Rokit Bay”-ийн гурав дахь цомгийн уран бүтээл юм.

  5. Хязгааргүй

    Реппер Rokit Bay эхнэр С.Анугийн хамт энэхүү уран бүтээлээ гаргасан. Тэд хүүхдүүдээ хараад хараад ханашгүй, цаг үргэлж хязгааргүй их хайрыг мэдэрдэг тухайгаа дундаа өгүүлсэн юм. Дууны хөгжим, үгийг Rokit Bay бичсэн бол продюсероор Б.Наранзун ажилласан байна