• Өнөөдөр 2025-03-06

"Опал" жүжгийн гол дүрд жүжигчин О.Энхтуул тоглоно

2022-09-08,   763

    ““Орфей” театр АНУ-ын зохиолч Жон Патрикийн “Everybody loves Opal” жүжгийг “Опал” нэртэйгээр аравдугаар сарын 1-нээс үзэгчдийн хүртээл болгох гэж байна. “Broadway” театрын алдарт бүтээл болох эл жүжгийн найруулагчаар  “Фауст”, “Гэм зэм” жүжгийг найруулсан М.Батболд ажиллажээ.

 
Жүжгийн гол дүрд СТА, жүжигчин О.Энхтуул Герман улсаас ирж, тоглож буй аж. Тэрбээр 15 жилийн дараа театрын жүжигт тоглож буй юм. Мөн энэхүү жүжигт Ц.Төмөрбаатар, Н.Онон, Д.Баттөмөр, Э.Чинзориг, Т.Ариунчимэг, Т.Сэргэлэн гэсэн нийт долоон жүжигчин дүр бүтээж байна.
 
“Орфей” театр энэхүү бүтээлээрээ итгэл найдвар, өөдрөг үзэл, уужуу сэтгэлийг түгээж, үзсэн хүн бүхний сэтгэл зүрхийг хайраар дулаацуулна. Мөн өмнөх бүтээлүүдээс өнгө аяс агуулгын хувьд өөр, харьцангуй бага орон зайд, цөөн үзэгчдэд тоглож, үзэгчид тайз хоёрыг нэг дор оршоож, амьд театрын үнэ цэнийг мэдрүүлэхийг зорьж буй талаар уран бүтээлчид ярив.
 
    Жүжгийн тасалбар 120-150 мянган төгрөгийн үнэтэй бөгөөд ticket.mn сайтаас авах боломжтой юм байна. Жүжгийг Хүн театр"-т ирэх сарын 1-нээс тоглох юм. Ташрамд сонирхуулахад, тус театрын хамт олон энэхүү жүжгээ аравдугаар сарын 10-нд Монголд ажиллаж, амьдарч буй олон улсын үзэгчдэд зориулж, англи орчуулгатайгаар тоглохоор зэхэж буй юм байна.
 
Уран бүтээлчид:
 
Ерөнхий зураач: О.Баярмагнай
Хөдөлгөөний найруулагч: У.Эрдэнэбаяр
Хөгжмийн зохиолч: Д.Нямхүү
Хувцасны дизайнер: О.Булган
Ассистент найруулагч: С.Тэмүүжин,
Туслах найруулагч: Ц.Энхтуяа

"Опал" жүжгийн гол дүрд жүжигчин О.Энхтуул тоглоно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.