“Doz” энтертайнмэнтийн захирал, жүжигчин Ш.Доржсүрэнг Монгол Улсын Гавьяат жүжигчин цолоор шагналаа. Тэрбээр “Хүмүүсээс ирж байгаа сэтгэгдэл бол миний хувьд хамгийн том шагнал гэж бодож байна. Яагаад гэвэл намайг дэмжиж хайрладаг олон хүн байдаг гэдгийг мэдрэх хамгийн сайхан. Тэгээд үзэгчдийнхээ хайр итгэлийг яаж дааж явна гэж  дотроо жаахан балмагдаж байна. “Тамгагүй төр” жүжиг 24 жилийн өмнө анх нээлтээ хийж байсан. Энэ жил буюу 24 жилийн дараа шинэ хувилбарыг тавьсан. “Тамгагүй төр” жүжиг миний хувьд МУГЖ цолоор тамга дарлаа. Намайг дэмжиж, утсаар ярьж, мессеж бичиж байгаа, хайрлаж байгаа бүх хүнд их баярлалаа гэж хэлмээр байна” гэв.