Нэрт сэтгүүлч Хорлоогийн Цэвлээ өнөөдөр Хөдөлмөрийн баатар цол хүртлээ. Тодруулбал, Тулгар төр байгуулагдсаны 2231, Их Монгол Улсын 816, Үндэсний эрх чөлөө, тусгаар тогтнолоо сэргээн мандуулсны 111, ардын хувьсгалын 101 жилийн ойн баярыг тохиолдуулан Монгол Улсын Ерөнхийлөгч У.Хүрэлсүх салбартаа тэргүүлсэн эрхмүүдэд өнөөдөр төрийн дээд одон, медаль гардуулсан юм. Энэ үеэр Монголын сэтгүүл зүйн салбараас анх удаагаа Хөдөлмөрийн баатар цолоор Х.Цэвлээ сэтгүүлч шагнагдсан юм. Түүний “Ээж бид хоёр” ном нь энэ жил таван хэлээр хэвлэгдэн гарсан юм.