“Гэгээн муза-16” наадмын шүүгчдийн нэрэмжит шагналыг МУГЖ С.Болд-Эрдэнэ хүртлээ. Тэрбээр “Анна каренина” жүжгийн Константин Левиний дүрээрээ энэхүү шагналыг хүртсэн юм. Харин тус наадмын шилдэг залуу уран бүтээлчээр Дорноговь аймгийн “Саран хөхөө” театрын “Гэрлээ асаа” ёс зүйн драмын жүжгээр найруулагч Э.Идэрболд шалгарлаа. Тэрбээр “Би Ардын жүжигчин Б.Мөнхдорж гэх хүний шавь гэдгээрээ бахархдаг. Тэгээд аав, ээж минь надад “Урлагийн хүн болох юм бол өлсөнө, цангана, ядарна” гэж хэлж байсан. Гэхдээ би яагаад ч юм урлагийн замыг сонгосон. Энэ зам миний зөв зам байсан гэдэгт үргэлж бат итгэдэг” гэв.