“ТАХЬ СЭРГЭЭН НУТАГШУУЛАЛТ БА БАЙГАЛЬ ХАМГААЛАЛ" ҮЗЭСГЭЛЭНГИЙН НЭЭЛТ БОЛЛОО

2022-05-18, 1109

“Тахь сэргээн нутагшуулалт ба байгаль хамгаалал” сэдэвт гар зургийн уралдааны үзэсгэлэн өчигдөр Монголын хүүхдийн урлан бүтээх төвийн “Орд” арт галлейрейд нээлтээ хийлээ. Энэ жил тахийг сэргээн нутагшуулсны 30 жилийн ой тохиож байгаа бөгөөд ойн хүрээнд тус зургийн уралдааныг зарлаж, уралдаанд ирсэн бүтээлүүдээр энэхүү үзэсгэлэнг нээж байгаа аж.

Ингэхдээ Тахь сэргээн нутагшуулалт, байгаль хамгаалалд гарсан гайхалтай сайхан үр дүнгүүдийг олон нийтэд сурталчлан таниулах зорилгоор, 21 аймаг, есөн дүүргийн Ерөнхий боловсролын сургуулийн 6-12-р ангийн хүүхдүүдийн дунд “Тахь сэргээн нутагшуулалт ба байгаль хамгаалал” сэдэвт гар зургийн уралдааныг орон даяар зарласанд уран бүтээлч хүүхдүүд идэвхтэй оролцож, 200 гаруй зургийг илгээжээ.

Тус гар зургийн уралдааныг “Байгаль орчин, аялал жуулчлалын яам”, “Хустайн цогцолборт газар” төв Төрийн бус байгууллага, “Говийн их дархан цаазат газрын “Б” хэсгийн хамгаалалтын захиргаа,”Хомын талын тахь ТББ”, “Олон улсын тахь грубб нийгэмлэг”, “Монголынг хүүхдийн урлан бүтээх төв” хамтран зохион байгуулж байгаа аж.

Дэлхийн байгаль хамгаалах холбооны Улаан дансны ангилал, шалгуураар 1969-1996 оныг хүртэл "Байгальд устсан" ангилалд байсан тахийг эх нутагт нь амжилттай сэргээн нутагшуулж, 2008 онд "Устаж байгаа", "2011 он "Устаж болзошгүй" гэх ховордлын хоёр ч зэрэглэл бууруулсан амжилт гаргаад байгааг тус үзэсгэлэнгийн үеэр онцолж байв.

“ТАХЬ СЭРГЭЭН НУТАГШУУЛАЛТ БА БАЙГАЛЬ ХАМГААЛАЛ" ҮЗЭСГЭЛЭНГИЙН НЭЭЛТ БОЛЛОО

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.