Монголын уран бүтээлчдийн бүтээсэн “Хүрд” баримтат кино Амстердамын олон улсын баримтат киноны фестивалийн дунд хэмжээний баримтат киноны төрөлд шилдэг киногоор шалгарчээ.

   Тодруулбал, Ази, Европ, Латин Америкийн орнуудад зохион байгуулдаг хүний эрхийн чиглэлийн 20 гаруй кино наадамд уригдан оролцож, дэлхийн 20 гаруй орны үзэгчдийн хүртээл болоод буй уг кино өнгөрсөн долоо хоногт эх орондоо нээлтээ хийсэн байна. "Хүрд" кино энэ сарын 14-нөөс эхлэн монгол үзэгчдэд хүрч буй бөгөөд “Tengis Cinema”, “Prime Cineplex Mongolia” кино театруудад гарч байгаа билээ.