Монгол Улсын Соёлын гавьяат зүтгэлтэн, сэтгүүлч, Хэвлэлийн хүрээлэнгийн ахмад багш Н.Дариймаа, нэрт сэтгүүлч, гарамгай орчуулагч, Монцамэ агентлагийн ахмад ажилтан асан П.Шагдар нарын бүтээлүүдийг эмхтгэсэн "Монголын шилдэг нийтлэл" ном хэвлэлтээс гарчээ. Тус "Монголын шилдэг нийтлэл” номын 66 дугаар ботийн нээлт маргааш 13:00 цагт Хэвлэлийн хүрээлэнд болно.

Нээлтийн үеэс МУСГЗ, сэтгүүлч, багш Н.Дариймаагийн шинэхэн ном болох "Бодлын ундарга", нэрт орчуулагч П.Шагдар агсны сүүлийн орчуулгын бүтээл болох Виктор Корчнойн "Өршөөл үгүй шатар" номыг дэлгэн танилцуулах аж.