Нэгэн сонирхолтой бөгөөд содон үзэсгэлэн Урчуудын эвлэлийн танхим нээгдсэн сурагтай. Тодруулбал, Монголын Урчуудын эвлэлийн Нэрэмжит шагналт, Соёлын тэргүүний ажилтан зураач Даваахүүгийн Соёлмаагийн ес дэх бие даасан үзэсгэлэн  МУЭ-ийн үзэсгэлэнгийн танхимд гурав дахь өдрөө үргэлжилж байна.

 

  Тус үзэсгэлэнгийн "Beatiful Mind" бүтээлийн агуулгын тухай товчхон хүргэе. Уг бүтээлд хүний дотоод ертөнц зүрх сэтгэлийн тухай өгүүлжээ. Хүн бүрийн дотор бурхан оршиж байдгийг зураач хэрхэн ойлгож мэдэрч байгаагаа дүрсэлжээ.Гүн гүнзгий бясалгалын орчинд жингүйдсэн мэт оршин байгаа дүрийн голд дугуй толь байрлуулсан нь халдашгүй ариун байдлыг  илэрхийлэхээс гадна та өөрөө энэхүү бүтээлд орсон мэт сэтгэгдлийг танд мэдрүүлэх болно.