Му Voice үндэсний шоу тэмцээний шилдэг оролцогчоор поп дива Б.Сарантуяагийн дуулснаар олны хүртээл болсон “Салхины хээ” дууг тун ч гайхалтайгаар дахин тайзнаа амьдруулсан  Г.Тэмүүжин тодорч, Гран При шагналын эзэн боллоо. “UBS” телевизийн захирал, хөгжмийн зохиолч, Урлагийн гавьяат зүтгэлтэн Л.Балхжавын нэрэмжит “My Voice”  шоу тэмцээний нэгдүгээр шатанд Төв аймгийн залуу уран бүтээлч Г.Тэмүүжин МУГЖ, дуучин Т.Ариунаагийн "Нандин учрал" дууг эрэгтэй хүнээс гарахааргүй уянгалаг хоолойгоор эвлэгхэн дуулж олныг гайхшруулж байсан юм.