Дэлхий дахинаа подкаст сонсох нь амьдралын хэв маяг нэгэнт болжээ. Залуус хотын хэмнэлтэй амьдралд цаг хормыг алдахгүйгээр өөрийгөө хөгжүүлж, олон талын мэдлэгтэй болох зорилгоор хүссэн газраа подкаст сонсож байна. Эргэлт.мн сайт амралтын өдрөөр сонсох зургаан подкастыг онцолж байна. 

1. Бидний нууц подкаст

Олон талт сэдвээр залуус энгийн, хөгжилтэй яриа өрнүүлнэ.  Нами, Сэндэр хоёрын хөтөлдөг “Хүмүүс яагаад сошиалд донтдог вэ, бүгд яагаад PUBG тоглоно вэ, бэлэн гоймон яагаад ийм гоё юм бэ” гэх зэргээр чөлөөтэй ярилцдаг “Бидний нууц” подкастийг онцолж байна.

2. Санаагийн подкаст

Дөлгөөхөн, уянгалаг хоолойтой Ц.Ариунсанаагийн “Санаагийн подкаст”-ийг онцолж байна. Подкастад урлаг, утга зохиол, уран зургийн тухай түлхүү ярилцаж номын зохиолч, орчуулагч, уншигчидтай яриа өрнүүлдэг.

3. Rusty Talks

“Rusty Talks” нь кино ертөнцийн олон талт мэдээ мэдээлэл хүргэдэг подкаст бөгөөд кино хэрхэн бүтдэг, бидний анзаараагүй алдаа, кино нууцын талаар ярилцдаг.

4. Reader podcast

Уран зохиол, нийгмийн шинжлэх ухааны бүтээлийн талаар тухайн салбарын эрдэмтэн, зохиолч, редактор, орчуулагч нар уншигчийн төлөөллийн хамт ном эсхүл сэдвийн хүрээнд хөөрөлддөг Reader подкастыг онцолж байна.

5. Unlock

Бид шинжлэх ухаан, хувь хүний хөгжил, намтар төрлөөр бэстселлэр болж буй, олны дунд ихээхэн шуугиан тарьж байгаа номыг бүгдийг нь уншиж амждаггүй. Харин уг подкаст тухайн номын агуулга, санааг нь гаргаж, худалдан авч унших уу, үгүй юу гэдэг сонголтыг танд үлдээнэ. 

6. Битгий сонс

 “Ub comedy Club”-ын залуусын хөтлөн хүргэдэг “Битгий сонс” подкаст нь цаг үеийн тулгамдаж буй асуудал, сэтгэцийн эрүүл мэнд, онолын физик гэх мэт олон сэдвийн хүрээнд тухайн салбарын хүмүүсийг урьж оролцуулдаг байна.