Яруу найрагч, зохиолч, орчуулагч Л.Өлзийтөгс шүлгийн болон орчуулгын ном гаргажээ.

  Тэрбээр цахим хуудастаа "Нобелийн шагналт аугаа Нерудагийн амьсгал хураахаасаа сарын өмнө бичсэн “АСУУЛТЫН НОМ”. Суут найрагч маань зөвхөн асуултаас бүрдсэн, үнэхээрийн өвөрмөц, сонирхолтой, содон гоё шүлгүүдийг 1973 онд бичжээ. (Нийт 316 асуулт) Энэ номыг залуу зураач А.Гэгээгийн орчуулгаар танд хүргэж байна. Хоёрдугаарх нь, Нерудагийн асуултад зориулсан миний шүлгүүд буюу хариултын ном. Нэр нь “салхины нэр Ө”  (С үсгийг зориуд жижгээр бичсэн) асуултын номыг хариултын номтой хамт уншвал илүү сонирхолтой. Гэвч та зөвхөн Нерудагийн номыг сонгосон ч болно оо. Хоёр ном маань өнгөрсөн жил бэлэн болсон ч хэвлэх үйлдвэрүүдэд цаас тасарсан зэрэг шалтгаанаар хойшилсоор хос тооны давхцалт, ховорхон, гоё өдөр уншигч тантай золгож буй нь бэлгэ дэмбэрэлтэй л юм." гэв.

    Ташрамд дурдахад, зураач А.Гэгээ нь Аюурзана, Өлзийтөгс хоёрын охин юм.