Зохиолч, найруулагч Д.Намдагийн  “Шинэ байшинд” жүжиг нь 1965 оны нэгдүгээр сард Улсын драмын театрын тайзнаа Ардын жүжигчин, УГЗ, зохиолч, найруулагч, орчуулагч Э.Оюуны найруулгаар анх тоглогдож байсан билээ.Харин энэ удаа УДЭТ-ын тайзнаа Н.Наранбаатар найруулан тавихаар болжээ. 

Дашрамд дурдахад, Д.Намдаг нь 1930-аад онд Монголын үндэсний театрыг шинээр үүсгэн зохион байгуулах ажилд идэвхтэй оролцож, Н.Гоголийн “Байцаагч түшмэл”, Лопе де Вегийн “Хонины булаг” “Учиртай гурван толгой” хөгжимт драмын жүжгийг найруулан тавьж байсан юм. Мөн тэрээр 1962-1984 онуудад Соёлын яаманд мэргэжлийн зохиолчоор дагнан ажиллаж байхдаа “Шинэ байшинд” жүжгийг бичиж байсан юм.