Монгол Улсын Урлагийн гавьяат зүтгэлтэн, Монголын Урчуудын эвлэлийн хорооны гишүүн, уран барималч А.Очирболдыг “НордАрт” олон улсын дүрслэх урлагийн үзэсгэлэнд “Дэгэрэ” бүтээлээрээ оролцож, тэргүүн байр эзэлжээ.

          “НордАрт– Олон улсын Дүрслэх урлагийн үзэсгэлэн” нь 1999 оноос эхлэн ХБНГУ-ын Бюделсдорф хотноо уламжлал болгон зохион байгуулдаг Европын томоохон дүрслэх урлагийн төрөлжсөн үзэсгэлэн бөгөөд 2015 оноос эхлэн Монголын уран бүтээлчид уг арга хэмжээнд өөрсдийн уран бүтээлээрээ оролцож, соёл, урлагийн салбарын ололт амжилтыг сурталчилж ирсэн.

          Уран бүтээлч А.Очирболдын урласан Монгол морьдын хөшөө эх орны дайны ялалтын бэлгэ тэмдэг болж Москва хотноо, “Ухамсар” хэмээх бүтээл нь Нью-Йорк дахь НҮБ-ын төв байрны талбайд тус тус байдаг.