"Хүн гөрөөс" драмын жүжгийг тайзнаа дахин тоглохоор болжээ. Тодруулбал, зохиолч П.Баярсайханы "Хүн гөрөөс" драмын жүжгийг энэ сарын 15-наас эхлэн "Вее театр"-т тоглохоор болжээ. Уг жүжгийг УГЗ Б.Мөнхдорж найруулж байгаа бөгөөд Дэлэгийн дүрд Г.Мөнхжаргал, Оюумаагийн дүрд Б.Одгэрэл нар тоглох аж.

   "Хүн гөрөөс" жүжгийг 1991 онд Г.Доржсамбуугийн найруулгаар Улсын драмын эрдмийн театрт анх удаа тоглож байсан бол өдгөө 31 жилийн дараа дахин тайзнаа "амилуулахаар" болсон байна. Жүжгийн анхны тоглолтод Дэлэгийн дүрд МУГЖ Ч.Алтан-Өлзий, Оюумаагийн дүрд АЖ С.Сарантуяа, Сугарт МУСТА Х.Ганхуяг нар тоглож байсан юм.