• Өнөөдөр 2025-04-05

Завхан аймгийн Хөгжимт жүжгийн театр "Багт" хүүхдийн жүжиг тавьжээ

2022-01-07,   600

      "Жангар" зохиолоос сэдэвлэн "багт" хүүхдийн жүжгийг тайзнаа амилуулжээ. Тодруулбал,  “Үндэсний бахархал-Монгол өв соёл” хөтөлбөрийн хүрээнд Завхан аймгийн Урлагийн гавьяат зүтгэлтэн Л.Ванганы нэрэмжит Хөгжимт жүжгийн театрын хамт олон анх удаа “Багт” хүүхдийн жүжгийг туурвиж, энэ сарын 5-нд тайзнаа амилуулжээ. 
 

   Ингэхдээ тус жүжгийг Монголын сонгодог уран зохиолын гурван оргилын нэг “Жангар” туулиас сэдэвлэн мөн чанар болон үнэнч шударга, эв нэгдэлтэй, эрдэм номтой, энэрэх хайрлах сэтгэлтэй байх ёстой гэсэн гол агуулгыг  хүүхэд багачуудад хүргэхийг зорьжээ. Мөн эртний уламжлалт багт театрын хэлбэрийг орчин үеийн нөхцөлт тайзны хэлбэрт шилжүүлж, “Бумбын орон”, “Мангасуудын орон”-ыг маш сонирхолтойгоор дүрслэн үзүүлсэн байна. 

 
“Жангар” хүүхдийн жүжгийн продюсерээр Завхан аймгийн Хөгжимт жүжгийн театрын дарга Г.Солонго, Ерөнхий найруулагчаар ОХУ-ын Театр урлагийн их сургуулийн төгсөгч, Улсын Драмын Эрдмийн Театрын найруулагч Э.Ёндоншарав, зураачаар МУСТА С.Ариунболд, хөгжмийн зохиолчоор МУСТА Б.Мөнхжаргал, Ё.Эрдэнэбаатар нар ажиллаж, тус театрын нийт бүрэлдэхүүн 50 гаруй уран бүтээлч гол болон туслах дүрийг бүтээжээ.

Завхан аймгийн Хөгжимт жүжгийн театр "Багт" хүүхдийн жүжиг тавьжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.