• Өнөөдөр 2025-04-04

МУГЖ С.НАРАН: Миний дуунд зүрх сэтгэл, оюун ухаан, хүсэл мөрөөдөл минь багтдаг

2021-12-28,   719

   Поп дива, Соёлын тэргүүний ажилтан С.Наран өнөөдөр Монгол Улсын Гавьяат Жүжигчин цол тэмдгээр энгэрээ мялаалаа. Энэ үеэр тэрбээр "Энэ миний төсөөлж байснаас  их өөр мэдрэмж байна. Есөн хөлт цагаан тугийнхаа дор зогсоод хамгийн түрүүнд бүх зүйлд чин сэтгэл байх ёстой юм байна гэж бодогдсон. Маш сайн ажиллах ёстой гэсэн хариуцлага л мэдрэгдлээ. Улам ихийг хийх ёстойг, илүү их зөв үлгэр дууриалал үзүүлэх ёстойг мэдлээ. Их ч зүйлийг төлөвлөлөө.  Миний дууг сонсдог, намайг хайрладаг бүх хүмүүст би чин сэтгэлээсээ талархаж байна.

Үүний төлөө мөн тэмцэж байгаа залуустаа зөв үлгэр дууриалал үзүүлэхийг илүү их мэдэрлээ. Миний дуу бүхэн чин сэтгэлээсээ миний зүрх, оюун ухаан, хүсэл мөрөөдөл үргэлж багтдаг. Тэр ч утгаар би эерэг дуу дуулахбг хүсдэг. энэ бол миний үзэл бодол.

Эерэг байхад бүхнийг өөрчилж чадна гэж

Итгэл минь надад захидаг

Эцэс төгсгөлгүй атаа жөтөө нөмөрсөн

Энэ л амьдралыг өөрчлөхийг хүссэн

Нар мандахад айдас арилж, дулаацсан

Найрсаг мэдрэмж, тайван, амгалан... Энэ бол ерөөс миний амьдралын философи" хэмээн сэтгэгдлээ илэрхийлэн, өөрийн дуунаас аяласан юм.

  Тэрбээр "Аавдаа үнсүүлэхийн жаргал", "Дэндүү сайхан залуу нас", "Welcome to my hеart", "Нутгаа санахуй", "Сэтгэлийн хүч" зэрэг олон арван уран бүтээлийг үзэгчдэд хүргэж, хүчирхэг хоолой, өвөрмөц стил имижээрээ үзэгчдийн хайр хүндэтгэлийг хүлээж  таван хэлээр цомгоо гаргасан бөгөөд гадны хөгжмийн зохиолч болон продюсеруудтай хамтарч ажилласан юм.


МУГЖ С.НАРАН: Миний дуунд зүрх сэтгэл, оюун ухаан, хүсэл мөрөөдөл минь багтдаг
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188