• Өнөөдөр 2025-04-04

Хэл зохиолын хүрээлэнгийн эрдэмтэд номын сангуудад бүтээлээ бэлэглэв

2021-10-15,   316

“Судар бичгийн хүрээлэн” үүсэн байгуулагдсны түүхт 100 жилийн ойн хүрээнд ШУА-ийн Хэл зохиолын хүрээлэнгээс өнөөдөр “Номын хишиг-100” өдөрлөгийг зохион байгууллаа.
 
Энэ хүрээнд  эрдэмтэн судлаачдын ном бүтээлийг олон нийтэд түгээн хүртээхэд гол дэмжлэг үзүүлдэг Монгол Улсын Үндэсний Номын Сан болон хотын номын сангууд, их, дээд сургуулийн номын сан, монгол судлалын төвүүдийн номын сан, нэрт эрдэмтдийн нэрэмжит зарим дунд сургуулийн номын сан зэрэг нийт 25 байгууллагад өөрсдийн эрдэм судлалын бүтээлийн дээжийг бэлэглэлээ.
 
Ингэхдээ дээрх номын сангуудад тус бүр 70 ширхэг ном бүтээл өгч байгаа аж. Энэ нь сүүлийн арван жилийн хугацаанд тус хүрээлэнгийн эрдэм шинжилгээний ажилтнуудын туурвисан бүтээл бөгөөд энэ хугацаанд нийт 2000 шахам ном бүтээл бичсэн гэдгийг тус газраас онцолсон юм. Ташрамд дурдахад ШУА-ийн Хэл зохиолын хүрээлэн бол 1921 онд Судар бичгийн хүрээлэнгийн ДУУН УХААНЫ ТАСАГ хэмээн байгуулагдсан шинжлэх ухааны ууган байгууллагын гал голомтыг түшиж байгаа газрын нэг юм гэж ШУА-аас мэдээлэв.
 
 
 

Хэл зохиолын хүрээлэнгийн эрдэмтэд номын сангуудад бүтээлээ бэлэглэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.