Өглөөний Улаанбаатар гудамжинд  долоо хоногийн даваа, лхагва, баасан гараг бүр эртэч нийслэлчүүдэд зориулсан арга хэмжээ зохион байгуулж эхэлсэн.

Энэ хүрээнд өнөөдөр буюу наймдугаар сарын 25-ны өдрийн 07:00-09:00 цагийн хооронд ICE TOP хамтлагийн “Монгол” пянзны нээлтийн арга хэмжээ боллоо. 1996 оноос уран бүтээл хийж эхэлсэн тус хамтлагийн “Монгол” пянз нь Монголын уран бүтээлчдийн анхны хип хоп пянз болж байгаа юм.

Нээлтийн үеэр ICE TOP хамтлагийнхан цөөн хувиар хэвлэсэн цомгуудаа дуудлага худалдаагаар зарах тухай зарласан бөгөөд гишүүдийнх нь гарын үсгийн хамт худалдан авах боломжтой аж. “Монгол” пянзны нээлтэд ICETOP хамтлагтай хамтран ажилладаг рок попын уран бүтээлчид оролцов.