Австралийн Сидней хотод коронавирусийн хөл хорионы дэглэмийг мөрдүүлэхээр цэрэг айрмийн хүч ашиглахаар болжээ. Учир нь, энэ сард коронавирусийн дельта хувилбар Сидней хотод тархаж, ойролцоогоор 3000 хүн халдвар авч, есөн хүн нас барсан байна. Иймээс Сидней хотын эрх баригчид таван долоо хоногийн хугацаатай хөл хорио тогтоосон аж. Гэвч халдварын тархалт буурахгүй байгаа бөгөөд өнгөрсөн баасан гарагт 170 тохиолдол шинээр бүртгэгдсэн байна.

   Тус нутагт хөл хорио наймдугаар сарын 28 хүртэл үргэлжлэх бөгөөд иргэдийг дэлгүүр гарах, дасгал хөдөлгөөн хийх болон шаардлагатай тохиолдлоос бусад үед гэрээсээ гарахыг хоригложээ.

   Ташрамд дурдахад, Австрали Улсын насанд хүрсэн иргэдийн 17 хувь нь дархлаажуулалтад бүрэн хамрагджээ.