Зуны дунд хөхөгчин хонь сарын гурван хөх цагаагчин хонь өдөр

Үс засуулбал: Жаргал ирнэ

Барилдлага: Үл зохилдох

Шүтэн барилдлага: Авахуй

Суудал: Огторгуй

Аргын тооллын долдугаар сарын 22, Бархасвадь гараг, Билгийн тооллын 13. Суулга одтой Цагаагчин хонь өдөр, Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич нохой, гахай болой. Хол газар яваар одогсод зүүн хойш мөрөө гаргавал зохистой. Их халуун болох улирал (23 цаг 11 минутад) эхэлнэ. Үс шинээр үргээлгэх буюу засуулбал жаргал ирнэ.