Итали Улсын Милан, Кортина, Ампеццо хотуудад 2026 онд зохион байгуулагдах 25 дугаар өвлийн олимпын логоны цахим санал хураалт энэ сарын 25-нд дууссан. Тус өвлийн олимпыг зохион байгуулагчдын зүгээс өчигдөр санал хураалтын нэгдсэн дүнг танилцуулж, олимпын наадмын логог албан ёсоор танилцуулжээ.

Зохион байгуулагчид энэ сарын 7-25-ны хооронд олимпын наадмын логоны цахим санал хураалтыг явуулсан билээ. Уг санал хураалтад дэлхийн нийт 169 орноос 871 мянга гаруй санал ирсэн байна.

“Милано Кортина-2026” өвлийн олимп 25 дугаар их наадмыг 2026 оны хоёрдугаар сарын 6-26-ны хооронд зохион байгуулагдах хуваарьтай байгаа. Харин паралимп нь 2026 оны гуравдугаар сар 6-15-ны хооронд үргэлжлэх юм. 

Д.ЦЭДЭВСҮРЭН