Олон улсын жүдо бөхийн холбооноос Гүрж Улсын нийслэл Тбилис хотод энэ  сарын 26-28-ны өдрүүдэд Их Дуулга тэмцээнийг зохион байгуулна. Харин тус тэмцээнд Монгол Улсын Үндэсний шигшээ багийн 18 тамирчин  оролцох аж. Тбилисийн Их Дуулгад 82 орны нийт 503 жүдоч оролцохоор мэдүүлгээ өгөөд байгаа юм.

Тбилисийн Их Дуулга тэмцээнд манай орны 18 тамирчин эрэгтэй, эмэгтэй төрлийн нийт 12 жинд хүч үзнэ. Үүнд:

-Эмэгтэйчүүдийн -48 кг жинд МУГТ М.Уранцэцэг, -52 кг жинд Б.Хорлоодой, -57 кг жинд МУГТ Д.Сумъяа, Л.Энхрийлэн, -63 кг жинд Б.Ганхайч, -70 кг жинд Ц.Энхчимэг, +78 кг Э.Гандиймаа,

-Эрэгтэйчүүдийн -60 кг жинд Л.Өнөболд, Э.Ариунболд, -66 кг Г.Хэрлэн, Ё.Басхүү, -73 кг жинд Ц.Цогтбаатар, Г.Одбаяр, -81 кг жинд Н.Дагвасүрэн, -90 кг жинд Г.Алтанбагана, -100 кг жинд Л.Отгонбаатар, Б.Гончигсүрэн, +100 кг Ө.Дүүрэнбаяр нар оролцох юм.

О.БАТ-ЭРДЭНЭ