Итали Улсын Турин хотод тусгай олимпын өвлийн наадам тэмцээн, уралдаан өндөрлөж байна.  Өчигдөр болсон 25 м-ийн цасны гуталтай гүйлтийн төрөлд МТОХ-ны тамирчин, Ховд аймгийн харьяат Т.Солонго алтан медаль хүртжээ.

      Манай тусгай олимпын наадмаас таван алтан медаль хүртээд байна. А.Азжаргал уулын цанын төрөлд хошой алтан медаль авч, Т.Дэлэгжаргал цасны гуталтай 800 м зайн гүйлт, Т.Солонго цасны гуталтай 25 м зайн гүйлт, Б.Буянтогтох цасны гуталтай 400 м зайн гүйлтийн төрөлд тус тус алтан медаль хүртсэн.

      Б.Бямба-Эрдэнэ цасны гуталтай 25 м, 50 м зайн гүйлтийн төрөлд хошой мөнгөн медаль авсан. А.Азжаргал уулын цана, Б.Мөнх-Эрдэнэ бүжгийн ганцаарчилсан төрөл, А.Алтан-Очир сноубоөрд, Ө.Елмырза цасны гуталтай 100 м зайн гүйлт, Б.Мөнх-Эрдэнэ, Я.Мягмарсүрэн нар бүжгийн хосын төрөл, П.Хатансайхан цасны гуталтай 400 м-ийн зайн гүйлт, И.Амаржаргал цасны гуталтай гүйлтийн төрөлд тус тус мөнгөн медаль авлаа.

      Мөн манай долоон тамирчин хүрэл медаль авсан.  М.Энхзаяа сноубоөрд, А.Алтан-Очир сноубоөрд, Ө.Елмырза цасны гуталтай 200 м зайн гүйлт, Э.Анхзул гүйлтийн цанын 50 м-ийн зайд, М.Амарболд цасны гуталтай 100 м-ийн зайн гүйлт, П.Хатансайхан цасны гуталтай 4х100 м зайн багийн гүйлт, А.Алтан-Очир сноубоөрдын төрөлд тус тус хүрэл медалийн эзэд боллоо. Т.Дэлгэржаргал, П.Хатансайхан, М.Энхзаяа зэрэг олон тамирчид цасны гуталтай 200 м зайн гүйлт, сноубоөрд зэрэг төрөлд тусгай байрын шагнал аваад байна.

     Энэхүү наадамд Орхон аймгаас гүйлтийн цанын төрөлд гурван тамирчин дасгалжуулагч багш Д.Одгэрэлийн хамт оролцож А.Идэр олимпын мөнгөн медаль хүртсэнээс гадна ойрын зайн төрөлд шагналт 4-р байр, Э.Анхзул хүрэл медалиар энгэрээ мялаахын хажуугаар 100 м-ийн зайд шагналт 5-р байр, А.Бүрэнтогтох гүйлтийн цанын хоёр төрөлд тус тус шагналт 5-р байрт шалгарлаа.