Монголын чөлөөт бөхийн холбооноос сонгомол  бөхийн төрлийг хөгжүүлэх бодлогын хүрээд МЧБХ-ны дэд ерөнхийлөгч Б.Болд хариуцан 2024 оноос УАШТ зохион байгуулах болсон юм. Үүний үр дүнд олон улсын тэмцээнүүдэд тамирчид оролцуулах, гадаадад хамтарсан бэлтгэлүүд зохион байгуулах гээд маш олон ажлуудыг амжилттай гүйцэтгэж ирсэн билээ.

     Мөн 2024 онд хийсэн хамгийн том ажлуудын нэг бол Сонгомол бөхийн шигшээ багийг олимпын зургаан жингээр бүрдүүлж БТСУХ-той хамтран ажиллаж эхэлсэн явдал байлаа. Уг шигшээ багийн дасгалжуулагчаар ОУХМ С.Мөнхсүх ажиллаж байгаа бөгөөд түүнийг 2028 оны олимпын циклд үргэлжлүүлэн томилохоор болжээ.