• Өнөөдөр 2024-04-25

Өнөөдөр манай таван тамирчин спортын гурван төрөлд өрсөлдөнө

2021-07-30,   313

          “Токио-2020” олимпын наадамд өнөөдөр спортын гурван төрөлд монголын таван тамирчин өрсөлдөнө.
 
БУУДЛАГА:
 
          Улаанбаатарын цагаар 08:00 цагт Asaka Shooting Range-д эмэгтэйчүүдийн спорт гар бууны 25 метрийн дасгалын урьдчилсан шат эхэллээ. Энэ төрөлд манай улсаас гавьяат тамирчин О.Гүндэгмаа, Ц.Анударь нар цэц мэргэнээ сорьж байна. Тамирчид өчигдөр тогтоол 30 сум буудсан бол өнөөдөр түргэн 30 сум буудсанаар финалд шалгарах найман тамирчны нэр тодорхой болох юм. Тогтоол буудлагын дараа Ц.Анударь 287 оноотойгоор 29-д, О.Гүндэгмаа 283 оноотойгоор 38-д бичигдэж байгаа билээ. Энэ төрлийн финалын буудлага 13:00 цагт эхэлнэ.
 
ЖҮДО:
 
          Монголын багийн тугч Ө.Дүүрэнбаяр эрэгтэйчүүдийн +100 кг-д хүч сорино. Тэрбээр эхний даваанд Узбекистаны бөх Бекмурод Олтибоевтой барилдах сугалаа татжээ. Өдгөө 25 настай  Бекмурод Олтибоев жүдоч тивийн аваргаас хүрэл, Армийн дэлхийн аваргаас мөнгөн медаль хүртсэн амжилттай нэгэн. Тэрбээр өмнө нь 2018 оны Мастерс тэмцээнд Ө.Дүүрэнбаярыг ялж байв.
 
УСАНД СЭЛЭЛТ:
 
         Токиог зорьсон Монголын сэлэгчид өнөөдөр уралдана. Эрэгтэйчүүдийн 50 метрийн чөлөөт сэлэлтэд М.Дэлгэрхүү хурд сорих бөгөөд уралдаан нь 18:10-аас эхлэх хуваарьтай. Харин эмэгтэйчүүдийн 50 метрийн чөлөөт сэлэлтэд уралдах Б.Энххүслэн 18:32 цагаас гараанд гарах юм.

Өнөөдөр манай таван тамирчин спортын гурван төрөлд өрсөлдөнө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.