БНСУ-ын алдарт Bigbang хамтлагийн дуучин Taeyang зургадугаар сарын 21-нд Монголд болох Super concert-д оролцохоор болжээ. Тоглолтын зохион байгуулагч EVANDIS entertainment нь өмнө нь Ким Хён Жун, MC Sniper, Bloo, 2ne1 хамтлагийн дуучин Dara, Rain тэргүүтэй уран бүтээлчдийн тоглолтын эх орондоо зохион байгуулж байсан билээ.

Түүний жинхэнэ нэрийг Dong Young-bae гэдэг ба 1988 оны тавдугаар сарын 18-нд төрсөн. Taeyang гэх түүний тайзны нэр нар гэсэн утгатай аж. Тэрбээр 12 настайдаа Jinusean хамтлагийн "A-yo" дууны клипэнд тоглосноосоо хойш  “YG” энтертайнментад бэлтгэгдэж эхэлжээ. Ингээд 2006 оны наймдугаар сарын 19-нд Bigbang хамтлагт дэбют хийжээ.

Тэрбээр 2008 оноос эхлэн бие даасан уран бүтээлээ хийж эхэлсэн. Rise 2014 нэртэй цомгоороо Billboard World Albums Chart-ыг тэргүүлж, Billboard 200 жагсаалтад 112 дугаар байрт жагсаж байжээ. Taeyang 2018 онд жүжигчин Мин Хё Ринтэй гэрлэж, 2021 онд анхны хүүхдээ өлгийдөн авсан билээ. Алдарт “Eyes, nose, lips” дуугаа тэрбээр эхнэртээ зориулан бичсэн талаараа хэвлэлд өгсөн ярилцлагадаа дурдаж байжээ.

Түүний инстаграм хаяг: __youngbae__

Ингээд түүний онцлох таван уран бүтээлийг хүргэж байна.

EYES, NOSE, LIPS

ONLY LOOK AT ME

DARLING

VIBE

RINGA LINGA