Гадаад харилцааны сайд Б.Батцэцэг, Цөлжилттэй тэмцэх тухай НҮБ-ын конвенцын талуудын 17 дугаар бага хуралд оролцож буй Буркина Фасо Улсын Байгаль орчны асуудал эрхэлсэн дэд сайд Оуэдраого Памуссаг хүлээн авч уулзлаа. Манай хоёр улс далайд гарцгүй орон гэдгээрээ ижил төстэй сорилттой. Тиймээс цөлжилт, уур амьсгалын өөрчлөлт зэрэг нийтлэг асуудлыг шийдвэрлэх, байгаль орчны чиглэлээр туршлага солилцох, хамтын ажиллагааг өргөжүүлэх өргөн боломж бий.

    Буркина Фасо Улсын төр, иргэний нийгэм, хувийн хэвшлийн 30 гаруй төлөөлөгч СОР17-д өргөн бүрэлдэхүүнтэйгээр идэвхтэй оролцож буй.  Дэд сайд Оуэдраого Памусса СОР17-ыг амжилттай зохион байгуулж, төлөөлөгчдийг найрсаг, мэргэжлийн өндөр түвшинд хүлээн авч буй Монгол Улсын Засгийн газарт талархал илэрхийлэв. Тэрбээр хот, хөдөөгийн соёл, амьдралын хэв маягийг хослуулан хөгжүүлж буй Монгол Улсын туршлагаас суралцах сонирхолтой байгаагаа илэрхийллээ.