Хүнс, хөдөө аж ахуй, хөнгөн үйлдвэрийн сайд З.Мэндсайхан цаг үеийн асуудлаар мэдээлэл хийлээ.

   Тэрбээр “Засгийн газрын бодлого бол иргэдийнхээ орлогыг хамгаалах юм. Тийм учраас ямар нэгэн төрийн албан хаагчийг ажлаас цомхотгох гэсэн ойлголт байхгүй. Тодотголын үндсэн хоёр зорилго байгаа. Нэгдүгээрт, бид иргэдийнхээ орлогыг хамгаална. Хоёрдугаарт, эдийн засгийн тодорхойгүй нөхцөл байдалд стратегийн нөөцөө бүрдүүлэх юм. Цалин нэмэгдүүлэх арга хэмжээнд боловсролын салбарын цалинд 674.5 тэрбум төгрөг, эрүүл мэндийн салбарын цалинд 90 тэрбум төгрөг, бусад төрийн үйлчилгээний цалинд 80.1 тэрбум төгрөгийн төсөв шаардагдаж байгаа юм. Боловсролын салбарт 93.5 мянган алба хаагч, эрүүл мэндийн салбарт 31.5 мянган алба хаагч, бусад төрйин үйлчилгээний салбарт 24.0 мянган алба хаагч нар хамрагдаж байгаа буюу нийт 149.0 мянган алба хаагч хамрагдах юм. Иргэдийн импортоор оруулж ирж байгаа инфляцыг иргэдээсээ нэмэхгүйгээр ззардлаас зардлаа нөхнө. Ахмадуудын тэтгэврийн тухай 2027 оны нэгдүгээр сарын нэгнээс хэрэгцих байсан хуулийг наашлуулж, ирэх 11 дүгээр сарын нэгнээс эхлэн тооцохоор болгосон. Энэ бол инфляцид идэгдээд байгаа ахмадуудынхаа орлогын хомсдолыг бууруулж байгаа арга хэмжээ юм. Нөгөө тал дээр бид инфляцид нөлөөлөөд байгаа дотоодын гол хүнсний бүтээгдэхүүн болон стратегийн бүтээгдэхүүн буюу нефт болон эрчим хүчний салбар дээр тогтворжуулах бодлого барьж байгаа юм. Бид нэмж зардал үүсгээд байгаа биш, энэ онд батлагдсан төсвийн зардлыг засгийн газраас танаад, энэхүү үйл ажиллагаануудыг хэрэгжүүлж байгаа гэсэн үг юм” гэв.