Гадаад харилцааны сайд Б.Батцэцэг цөлжилттэй тэмцэх тухай НҮБ-ын конвенцын талуудын 17 дугаар бага хуралд оролцож байна. Тэрбээр Монгол Улсад айлчилж буй Рамсарын конвенцын ерөнхий нарийн бичгийн дарга доктор Мусонда Мумбаг хүлээн авч уулзлаа. Рамсарын конвенц нь дэлхийн хэмжээнд чухал ач холбогдол бүхий ус, намгархаг газрыг хамгаалах, зохистой ашиглах зорилготой олон улсын гэрээ юм.Уулзалтаар Монгол Улс, Рамсарын конвенцын хамтын ажиллагааг өргөжүүлэх, ус, намгархаг газрын хамгаалал, нөхөн сэргээлтийг цөлжилт, ган гачиг, усны хомсдол, уур амьсгалын өөрчлөлтөд дасан зохицох бодлоготой уялдуулах талаар санал солилцлоо.

    Доктор Мусонда Мумба Монгол Улс “COP17” бага хурлыг зохион байгуулж, газар, ус, уур амьсгал, биологийн олон янз байдлын харилцан хамаарлыг олон улсын хэлэлцүүлгийн анхаарлын төвд авч үзэж буйг өндрөөр үнэлж, эдгээр асуудлыг уялдаа холбоотойгоор шийдвэрлэх нь экосистемийн тогтвортой байдал, уур амьсгалын өөрчлөлтөд дасан зохицох чадавхыг бэхжүүлэхэд чухал ач холбогдолтойг онцлов. Манай улс 1998 онд Рамсарын конвенцод нэгдсэн бөгөөд нутаг дэвгэрийнхээ 1.439 гаруй га талбайг хамарсан олон улсын ач холбогдол бүхий 11 ус, намгархаг газрыг Рамсарын жагсаалтад бүртгүүлсэн байдаг.