Бүгд Найрамдах Беларусь Улсаас Монгол Улсад суугаа Элчин сайд Орда Михаил Сергеевичийг хүлээн авч уулзлаа. Уулзалтаар хоёр улсын харилцааг эдийн засгийн агуулгаар баяжуулах талаар ярилцав.  Тэр дундаа хөдөө аж ахуй, хөнгөн үйлдвэрлэл, ой, эрүүл мэнд, спорт, боловсрол зэрэг салбарт тэлэх боломж байгааг онцоллоо.

     Эдийн засаг, хүмүүнлэгийн чиглэлээр бодит үр дүнтэй, харилцан ашигтай төсөл хэрэгжүүлж, хамтын ажиллагааг өргөжүүлэх талаар санал солилцсон байна. Элчин сайд Орда Михаил Сергеевич Монгол Улсад ажиллах хугацаандаа тавьж буй зорилт, төлөвлөж буй ажил, арга хэмжээний талаар танилцуулж, Монгол, Беларусийн найрсаг харилцаа, хамтын ажиллагааг өргөжүүлэхийн төлөө идэвх зүтгэлтэй ажиллахаа илэрхийлэв.