ГХЯ-ны хэвлэлийн төлөөлөгч Р.Нямдаваа шатахууны хомсдлын нөхцөлийн талаар мэдээлэл хийлээ.

    Тэрбээр “Шатахууны асуудал бол дан ганц Монгол Улсад тулгамдаж буй асуудал биш. Дэлхийн зарим улс оронд энэ оны эхэн үетэй харьцуулахад түлш шатахууны үнэ хоёр дахин нэмэгдсэн. Дэлхийн дунджаар 37-40 хувь нэмэгдсэн тоон үзүүлэлтийг харж болно. Улс орнууд харилцан адилгүй өөрсдийн нөхцөл бололцоонд нийцсэн алхамуудыг хэрэгжүүлж байна. Газрын тос экспортлогч, олборлогч орнуудын хувьд үндсэндээ экспортын хурдаа хязгаарлах. Урт хугацааны нөөцийг хангахад онцгой анхаарч ажиллаж байна. Үүнээс хамааралтайгаар олон улсын эрчим хүчний агентлаг болон бусад томоохон мэргэжлийн байгууллагуудын зүгээс тодорхой зөвлөмжүүдийг гаргаад байгаа танилцуулсан. Олон улсын түүхий газрын тосны эрэлтийг бууруулах өдөрт олон саяар тоологдох, бууруулах зөвлөмжийг гаргасан. Эрчим хүчний агентлагаас гаргасан зөвлөмжийн хүрээнд өнөөг хүртэлх хугацаанд дэлхийн 10 гаруй улсад зайнаас ажиллахыг дэмжих бодлогуудыг хэрэгжүүлж байна. Мөн тээврийн хэрэгслийг хэрэглээг хязгаарлах. Хурдны болон түлшний хязгаарлалыг тогтоох. Сургууль болон олон нийтийн байгууллагыг цахим хэлбэрт шилжүүлэх. Тэгш, сондгойгоор, дугаарын хязгаарлалтаар хөдөлгөөнд оролцуулах зэрэг зохицуулалтыг гаргасан. Энэ нь Монгол Улсад авч хэрэгжүүлж байгаатай төстэй” гэлээ.

Ц.Уранцэцэг