Гадаад харилцааны дэд сайд Г.Амартүвшин Их Британи, Умард Ирландын Нэгдсэн Хаант Улсаас Монгол Улсад суух Элчин сайд Эдвин Самуэл-ийн Итгэмжлэх жуух бичгийн хуулбарыг наймдугаар сарын 10-ны өдөр хүлээн авав. ​Уулзалтын үеэр Дэд сайд Г.Амартүвшин Элчин сайд Эдвин Самуэл-д ажлын амжилт хүсэж, Монгол, Британийн найрсаг харилцаа, хамтын ажиллагаа сүүлийн жилүүдэд идэвхтэй өрнөж байгаад сэтгэл хангалуун байгааг тэмдэглэв.

     Цаашид хоёр улсын харилцааны түвшнийг ахиулахад чиглэсэн баримт бичгийн хэрэгжилтийг эрчимжүүлэх, худалдаа, эдийн засаг, боловсрол зэрэг салбарт бодит үр дүнтэй хамтын ажиллагаа өрнүүлэх боломжийн талаар санал солилцов. Элчин сайд Эдвин Самуэл Монгол Улсад суух Элчин сайдаар томилогдсондоо баяртай байгаагаа илэрхийлж, Монгол, Британийн харилцаа, хамтын ажиллагааг өргөжүүлэн хөгжүүлэхийн төлөө идэвхтэй ажиллахаа илэрхийлэв.