БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжюанийг эх орондоо бүрмөсөн буцахтай нь холбогдуулан хүлээн авч уулзлаа.  Уулзалтын үеэр Монгол, Хятадын Иж бүрэн стратегийн түншлэлийн харилцааг бүхий л салбарт идэвхтэй хөгжүүлэх, өндөр, дээд түвшний харилцан айлчлалын давтамжийг хадгалах явдлыг онцлов. Мөн улс төрийн харилцан итгэлцлийг бэхжүүлэх, хоёр улсын Гадаад харилцааны яамд хоорондын хамтын ажиллагааг өргөжүүлэх үйлсэд Элчин сайд Шэнь Миньжюанийн оруулсан хувь нэмрийг өндрөөр үнэлж, Гадаад харилцааны яамны "Алтан гэрэгэ"-г гардуулан өглөө. Элчин сайд Шэнь Миньжюаньд цаашдын ажил, амьдралд нь өндөр амжилт, сайн сайхан бүхнийг хүсэн ерөөв.