“Тайга” фестиваль долдугаар сарын 14-17-ны өдрүүдэд Хөвсгөл аймгийн Алаг-Эрдэнэ суманд  болохоор төлөвлөгдөж байсан. Гэвч зохион байгуулагдах газрыг өөрчилж Булган аймагт болохоор болжээ. Энэ талаар “Тайга” фестивалийн зохион байгуулагчид дараах мэдэгдлийг гаргасан юм.

     Тэгвэл бид Хөвсгөл аймгийн Цагдаагийн газрын дарга Д.Мөнхжаргалтай холбогдож нөхцөл байдлын талаар тодрууллаа. Тэрбээр “Тайга” фестивалийн зохион байгуулагчид манай аймгийн нутаг дэвсгэрт үйл ажиллагаагаа зохион байгуулах хүсэлтээ тавдугаар сард өгсөн. Тэдний хүсэлтийн дагуу Хөвсгөл аймгийн Онцгой байдлын газар, Цагдаагийн газар, Байгаль орчны газар, Эрүүл мэндийн газар, “Тайга” фестивалийн зохион байгуулагчид нэгдэж хуралдсан. Тухайн үедээ бид гэрээ байгуулаагүй, албан ёсны зөвшөөрөл аваагүй байсан. Тус үйл ажиллагааг Алаг-Эрдэнэ суманд зохион байгуулах талаар ярьж байсан учраас зөвшөөрөл, аюулгүй байдлаа хангаж ажиллавал нээлттэй гэсэн зүйл л ярьсан. Үүнээс өөр дэлгэрэнгүй мэдээлэл өгөх боломжгүй байна” гэлээ.