Цэрэг амиа алдсан харамсалтай хэрэг гарсан. Үүнтэй холбоотойгоор Батлан хамгаалахын сайд Д.Батлутаас сэтгүүлчид мэдээлэл авлаа. Тэрбээр "Зэвсэгт хүчний 339 дүгээр анги дээр хоёр байлдагч харилцааны зөрчил гаргаснаас нэг нь амиа алдсан асуудал гарсан. Хууль хяналтын байгууллагаас үүнтэй холбоотой асуудлаар ажиллаж байна. Монгол Улсын Батлан хамгаалах салбарын бодлого, үйл ажиллагааны буруутай үйлдлээс, анги салбар, Зэвсэгт хүчний жанжин штаб, төрийн тусгай албан хаагчдын буруутай үйлдлээс болсон нь тогтоох юм бол хэн ч байсан хариуцлага хүлээх ёстой" гэв.