Засгийн газрын ээлжит хуралдаан боллоо. Энэ үеэр Боловсролын сайд Л.Энх-Амгалан "Монгол хүүхэд бүрийг мэдлэг, ур чадварын хоцрогдлоос чөлөөлнө гэх бодлогыг Ерөнхий сайдын зүгээс санаачилж, хэрэгжүүлж байгаа. Хамгийн сайн сургууль бол гэрт ойрхон сургууль. Тэгээд хамгийн сайн хөтөлбөртэй, сайн багштай, хуурамч дүнгийн тогтолцоогүй, цахимжсан байна гэж үзсэн. Энэ бодлогын хүрээнд хамгийн түрүүнд хэрэгжиж байгаа ажил бол "Нэг сурагч, нэг компьютер", "Нэг анги, нэг ухаалаг самбар", "Нэг хүүхэд, нэг хиймэл оюун ухааны багш", "Нэг багш, нэг хиймэл оюун ухааны туслах багш" гэсэн том бодлого хэрэгжүүлж байж өнөөдөр Монгол Улсад үүссэн байгаа мэдлэгийн ур чадвараас монгол хүүхэд бүрийг чөлөөлөх ажил Засгийн газраас гарлаа" гэв.