МАН-ЫНХАН ЭРХ МЭДЛИЙН БЯЛУУГАА ХУВААЖ ДУУСААД, БҮХ ХУЛГАЙЧАА "ӨРШӨӨНӨ ДӨӨ"

2026-05-19, 40

Эрх баригч МАН-ынханд Монголын төрөөс хүртэхгүй хишиг, хулгайлахгүй хөрөнгө, гар дүрэхгүй сан байсангүй. Үнэндээ тэд сүүлийн 10 жил тарсалтгүй үнэмлэхүй олонхоороо төрийн эрхийг барихдаа ЖДҮХС-ийн хэрэг, нүүрсний хулгай, Хөгжлийн банк, газрын наймаа, зээлийн сан, мега төслүүд гэгчлэн монголын ард түмний боломжоос мөн ч их хулгай хийлээ.

Эцэстээ тэд нийслэлчүүдийн идэх “хоол”руу орж, нөөцийн махаа ч худалдаалахгүй “дарж” махны үнийг магнагт хүргэсэн гэх хэрэгт нэр холбогдлоо. Өөрөөр хэлбэл, МАН-ынхан улс төрийн “зодоон” нийслэлийн МАН дээр үргэлжилж, Туулын хурдны замын төсөлтэй холбоотой нийслэлийн удирдлагуудыг шалгаж өгсөн. Гэвч эцэстээ тэд хотын дарга Х.Нямбаатарыг махны үнийн өсөлтөд нөөлөлсөн байж болзошгүй гэх шалтгаанаар огцруулаад байна. Улмаар нийслэлийн Удирдах зөвлөлийн хуралдаанаар шинэ хотын даргын асуудлыг хэлэлцүүлж, Нийслэлийн иргэдийн төлөөлөгчдийн хуралдаанаар танилцуулах товтой байна. Ийн дараагийн хотын даргыг Ерөнхий сайд батламжилснаар шинэ хотын даргатай болно.

Гэвч энэ бүх хулгайн хэргээ тэд улайстал улстөржүүлээд, эрх мэдлийн бялуу хуваалтынхаа ард бүх хэргээ загасны ой санамжинд үлдээдэг, хэдхэн алба хаагчдаар туг тахиад өнгөрдөг бичигдээгүй хууль үйлчилж ирсэн нь нууц биш. Хөгжлийн банк, нүүрсний хэрэг, Капиталын хэрэг, ЖДҮ, 60 тэрбум гээд төрийн түүхэн дэх том хулгайн хэрэг хэрээс хэтэрсэн.

Тодруулбал, “Капитал”-ын Б.Ундармаа, “хөшөө” Г.Батзориг, Д.Дамба-Очир, Д.Хаянхярваа, Г.Солтан, 60 тэрбумын хэргээр улс төрийн карьераа дуусгасан Миеэгомбын Энхболд, Ж.Эрдэнэбат, Сү.Батболд, Су.Батболд, Хөгжлийн банкны хэргээр яллагдсан Ё.Баатарбилэг, нүүрсний хулгайн гол эзэд болсон УИХ-ын гишүүн асан Т.Аюурсайхан, Б.Ганхуяг, эх орноосоо “оргон зайлсан” УИХ-ын гишүүн асан Ж.Мөнхбат гэгчлэнгээр үргэжилнэ. Нэмээд “Ногоон автобус”-ны хэргээр он дамжин шалгагдсан Ж.Сүхбаатар, Нүүрсний хулгайн сон хэрэг 2 би болсон хэмээн бүхэл бүтэн Хууль зүй дотоод хэргийн сайд нь мэдэгдэж байлаа.

Тэрбээр “Монгол Улс, БНХАУ-ын Засгийн газар хоорондын хил холболтын төмөр зам барих хэлэлцээрийг УИХ-аар хэлэлцүүлсан. Энэ хэлэлцээр дээр би “Нүүрсний хулгай-2” гарах гэж байна хэмээн татгалзсан санал өгсөн. Ингэхдээ Эрдэнэс Тавантолгойн аль орд дээр гэрээ хийх гэж байгаа нь тодорхойгүй байна. Хоёрдугаарт нүүрсний үнэ тодорхойгүй байна. Үнийн зөрүүн дээр нүүрсний гол хулгай явдаг гэдгийг би хэлж байсан. Харин би 2013 онд БНХАУ-ын “Чалько” ХХК-тай хийсэн гэрээний нөхцлөөр буюу 53 ам.доллараар хөнгөлөлттэй үнийн дүнгээр хийсэн юм байна гэдэг мэдээлэл авсан. Цаашлаад одоогийн УИХ-ын дарга тухайн үеийн ЗГХЭГ-ын дарга Д.Амарбаясгалан үнийн асуудлыг мэдэж байсан хэмээн ярьсан. Энэ 53 ам.долларын гэрээ хийсэн “Эрдэнэс Тавантолгой” ХК-ийн захирал Х.Мөнхжаргал нь Д.Амарбаясгалан даргын нэг сургуулийн нэг төгсөлтийн “найз” байсан” хэмээн ярьсан.

Харин УИХ-ын дарга Д.Амарбаясгалан “Х.Мөнхжаргал гэдэг хүнтэй би их сургууль төгссөнөөс хойш сая ЭТТ ХК-ийн захирлын үүрэг гүйцэтгэгчээр томилогдоход нь анх таарсан” хэмээн хэвлэлийн хурлын үеэр мэдээлж байлаа.

Үнэхээр түүний хэлснээр Монгол Улсын талд алдагдалтай гэрээ байгуулсан бол үүнийг нь шалгах зайлшгүй шаардлагатай байна. Цаашлаад одоогийн байгуулсан гэрээг цуцалж, дахин гэрээ хийх бүрэн боломжтой гэдгийг мэргэжлийнхэн, УИХ-ын гишүүд удаа дараа сануулж буй. Харин олон ил гацаанд орсон хил холболтын төмөр замыг улс төрийн зорилгоор дахин удаашруулах нөхцөл байдал үүсвэл хуулийн хатуу хариуцлага тооцдог болмоор байна.

Харамсалтай нь, ийм ноцтой мэдэгдлүүдийг МАН-ынхан өөрөө илчилж, хэн хэнийгээ бөлдөгдчихөөд:эцэст нь эрх мэдлийн бялуу хуваалтаа хийгээд эргээд хэргээ мартчихдаг хар түүх бий, тэдэнд. Өнөөдөр ч ялгаагүй эрх баригч намынхан Туулын хурдны замын тендер булхай, нүүрсний хулгайн хэрэг хоёр гэгчлэнгээр иргэдийн боломжийг хулгайлсан байж болзошгүй олон хулгайн асуудлыг өөрсдөө хөндөж байгаа ч эрх мэдлийн тэмцэл дуусаж, дараагийн ээлжнийхэн хоолондоо ормогц энэ бх булхай луйвраа мартагнуулах хар зургуу зурчихсан нь лавтай.

Өнөөдөр хоногийн хоолоо арай хийн залгуулж байгаа иргэдийн хувьд махны үнийг зориудаар өсгөж, нөөцийн мах бэлтгэлд ашиг сонирхолын зөрчилтэй асуудал байвал хуулийн хяналтын байгууллага олж тогтоож, үнэн мөнийг нь улайстал илчлэх нь зүйн хэрэг. Гэтэл ад түмний тогоотой хоол руу хүртэл өнгийчихөөд энэ их устөржилтийн ард эрх мэдлийн бялуу хуваалтаа хийгээд хэргээ мартчихвал иргэдийн хувьд гашуун түүх болж мэдэх нь ээ. Эцэст нь, МАН-ынхан эрх мэдлийн бялуу хуваалтаа дуусмагч бүх хулгайгаа “өршөөнө дөө”

МАН-ЫНХАН ЭРХ МЭДЛИЙН БЯЛУУГАА ХУВААЖ ДУУСААД, БҮХ ХУЛГАЙЧАА "ӨРШӨӨНӨ ДӨӨ"

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.