Засгийн газрын ээлжит бус хуралдаанаас гарсан шийдвэрийн талаар мэдээлэл хийлээ.

Энэ талаар ЗГХЭГ-ын дарга Б.Энхбаяр "Махны үнийн өсөлтийг хязгаарлахтай холбоотой тогтоолын төслийг баталлаа. Махны асуудалтай холбоотой ямар асуудал байгаа талаар Ерөнхий сайд амралтын өдрүүдэд ажилласан. Холбогдох татварын албаны мэдээллээр нийслэл 5000 тонн нөөцийн мах бүрдүүлэх ажлыг шийдвэрлэхээр байсан. Өнгөрсөн онд 8000 тонн нөөцийн мах бүрдүүлж худалдаалсан. Хүнсний тухай хуульд зааснаар аймаг нийслэлийн Засаг дарга махны үнийн өсөлтийг шийдвэрлэхтэй холбоотой асуудлыг шийдвэрлэх эхртэй. ҮҮнийг өнгөрсөн жил Нийслэлийн засаг дарга өөрийн хөрөнгөөс шийдвэрлэх талаар танилцуулж байсан.

Махтай холбоотой асуудалд 2500 тонн нөөцийн махыг худалдаалсан гэдэг асуудлыг танилцуулсан. Үлдсэн нь яасан талаар холбогдох байгууллагаас дүн мэдээг авсан. Дүн мэдээ эцэслэгдээгүй. Махны компаниудын мэдээллээр 1400 тонн мах байна. Сүүлийн нэг сарын хугацаанд нөөцийн махыг худалдаалах 600 гаруй цэг байгуулсан гэж Улаанбаатар хотоос мэдээлсэн. Гэтэл 375 худалдаалах цэг байгааг тогтоосон. Өчигдрийн байдлаар сүүлийн нэг сарын хугацаанд 250 цэгт нөөцийн мах ирээгүй гэж байна. Тухайн компаниудаас үүнийг яагаад худалдаалахгүй байгаа вэ гэсэн Нийслэл, Улаанбаатар хотын ерөнхий менжерээс худалдаалахгүй  байх гэсэн чиглэл өгсөн гэж байна. Иймээс зориудаар махны үнийн өсөлтөд нөлөөлсөн гэж үзэж байгаа. Тиймээс Ерөнхий сайдаас Улаанбаатар хотын захирагч Х.Нямбаатарыг огцруулах арга хэмжээ авч, хотын нэгдүгээр орлогчид тамга тэмдгийг өгсөн" гэлээ.