УИХ-ын зарим гишүүн мэдээлэл хийлээ.

       Энэ үеэр Ч.Лодойсамбуу гишүүн "УИХ-ын Дэгийн тухай хуулийг УИХ-ын дарга С.Бямбацогт танилцуулсан. Үүн дээр бол их хуралд хүндэтгэлтэй хандах, үнэн зөв мэдээлэл өгөх. Хэрэв Дэгийн тухай хуулийг орж ирж байгаа, хууль танилцуулж байгаа Ажлын хэсэг зөрчих юм бол хуулийн хариуцлага хүлээх заалттай. Сая Дэгийн тухай хуулийн зөрчил явсан. УИХ-ын дарга өөрөө буруутай. Яагаад гэхээр Б.Жаргалан гишүүн асуулт асуугаагүй байхад үг хэлүүлж байгаа юм. Өөрөөр хэлбэл, Дэгийн тухай хуульд асуусан асуултад хариулах тухай зохицуулалт байгаа. Асуулт асуугаагүй байхад үг хэлэхдээ Парламент хүндэтгэлтэй хандаагүй гэж хүн гүтгэж байгаа юм. Нэгдүгээрт, хууль зөрчсөн, хоёрдугаарт ёс зүй, ёс суртахууны асуудал ярьж байгаа хуулийнхаа үзэл баримтлалын эсрэг дүр зураг авирыг үзүүлж байна. Ингэж цаашид явах юм байна. Орж ирээд хэн нэгэн хөндлөнгөөс өргөдөл гаргаад Ёс зүй хороогоор хуралдуулаад гишүүн татдаг нөхцөл байдал руу шууд орж байна. Парламентад эзэн суучихсан, үгэнд ор, үгүй бол гишүүнээ боль гэдэг хандлага бол нүдэнд харагдаж байна. Сүүлийн үед нэг нам төрийн дээр гараад зогссон нь хангалттай харагдаж байна. Хотын дарга Х.Нямбаатар гэж хүн байна. Энэ хүнийг дагасан бүх хүн Х.Нямбаатар болж хувирдаг. Ерөнхийлөгчийг дагасан бүх хүн Ерөнхийлөгч болж хувирсан. Орж ирээд асуултанд хариулахгүйгээр загнаж, "Чи миний сууж байсан, суугаагүй" гэж ярьдаг. Энэ хандлага өөрөө энэ хуулийн зорилгыг шууд илэрхийлж байна. Иймээс хатуу эсэргүүцэж байна. Монголын парламент өнөөдөр ёс зүйтэй байх ёстой" гэв.