Аймаг, нийслэлийн болон орон нутгийн сонгуульд ШИНЭ нам, Ардчилсан нам нэгдэн, хамтарч ажиллахаар Санамж бичигт гарын үсэг зурж, мэдээлэл хийлээ.

Тус гарын үсэг зурах ёслолын үеэр Ардчилсан намын Ерөнхий нарийн бичгийн даргын үүрэг гүйцэтгэгч Н.Ганибал, Нийслэлийн АН-ын дарга Т.Батцогт, ШИНЭ намын дарга Ц.Гантулга, Шинэ намын нарийн бичгийн дарга Б.Гантулга нар оролцож, мэдээлэл хийлээ.

         Ардчилсан намаас 8100 гаруй нэр дэвшигч энэ удаагийн ИТХ-ын сонгуульд аймаг, нийслэлийн болон орон нутгийн сонгуульд нэр дэвшихээр болжээ. Ардчилсан намын хувьд энэ удаагийн сонгуульд орон нутаг бүрийн өөрсдийн онцлогт тулгуурласан мөрийн хөтөлбөрөөр оролцож байгаа илэрхийлсэн юм.  Харин ШИНЭ намын хувьд найман аймаг зургаан дүүрэгт 60 гаруй нэр дэвшигчээ нэр дэвшүүлэхээр болсон байна. Шинэ намын хувьд МАН-д давуу байдал олгож санал хуваахгүйн тулд АН намтай хамтарч ажиллаж байгаагаа илэрхийлэв. Тиймээс улс төрийн чиг баримжаа нэгтээ намууд нэгдэж, сонгуульд оролцох нь ардчиллаа хамгаалж байгаа хэрэг хэмээн бусад нам, эвслүүдэд уриаллаа.