Нийслэлийн Мэргэжлийн хяналтын газрын 2018 онд нийтэд зарласан хяналт шалгалтын нэгдсэн төлөвлөгөөний дагуу Улаанбаатар хотын Сонгино-Хайрхан, Налайх, Багахангай дүүргийн нутаг дэвсгэрт элс, шавар олборлогч аж ахуйн нэгжийн үйл ажиллагаанд хяналт шалгалт хийгдэж байна.

Хяналт шалгалтын явцад Техник эдийн засгийн үндэслэлд тодотгол хийж батлуулаагүй, Байгаль орчны нарийвчилсан үнэлгээг шинэчлэн хийж батлуулаагүй 2018 оны уулын ажлын төлөвлөгөөг хугацаанд нь хийж батлуулаагүй, Байгаль орчны менежментийн төлөвлөгөө батлуулаагүй олборлолтын үйл ажиллагаа явуулсан. Агаар, орчны шинжилгээ хийлгээгүй.Нөөц хэтрүүлэн ашигласан зэрэг зөрчлүүд илэрлээ. Зөрчлийн тухай хуулийн тусгай ангийн заалтын дагуу 4500 000 торгуулийн арга хэмжээ авч, 5000 000 төгрөгийн нөхөн төлбөр, 7 аж аж ахуйн нэгжид хугацаатай албан даалгавар өгсөн байна.