Монгол Улсын Ерөнхийлөгчийн 2021 оны ээлжит сонгуулийн санал хураалт өнөөдөр 07:00 цагт албан ёсоор эхэлсэн. Энэ удаагийн сонгуульд МАН-аас У.Хүрэлсүх, АН-аас С.Эрдэнэ, "Зөв хүн электорат" эвслээс Д.Энхбат нэр дэвшин, өрсөлдөж байна. Тэгвэл Монгол Улсын Ерөнхий сайд Л.Оюун-Эрдэнэ, Нийслэлийн Засаг дарга бөгөөд Улаанбаатар хотын захирагч Д.Сумъяабазар нар 11:40 цагт саналаа өглөө.

Сүүлийн 30 жил төрийн тэргүүн богино хугацаанд буюу дөрвөн жилээр ажиллаж ирсэн. Энэ удаа шинээр сонгогдох Ерөнхийлөгч зургаан жилээр ажиллах учир Монгол Улсад томоохон шинэчлэлт авчрах болов уу

Энэ үеэр Ерөнхий сайд Л.Оюун-Эрдэнэ "Иргэн хүний хувьд Үндсэн хуулиар олгогдсон эрхээ эдэлж, саналаа өглөө. Энэ удаагийн сонгууль хоёр онцлогтой. Нэгдүгээрт, цар тахлын амаргүй үед Ерөнхийлөгчийн сонгууль зохион байгуулагдаж байна. Түүнчлэн өмнөх сонгуулиудтай харьцуулахад бага зардлаар өрнөж байна. Мөн иргэд сонгуульдаа идэвхтэй оролцож буй нь санал хураалтын ирцээс харагдахаар байгаа. Өөрөөр хэлбэл, хэсгийн хороодод санал хураалтын ирц өндөр дүнтэй явж байна.

Хоёрдугаарт, манай улс 1992 онд Ардчилсан тогтолцоонд шилжсэнээс хойш төрийн тэргүүнээ анх удаа зургаан жилээр сонгож байна. Сүүлийн 30 жил төрийн тэргүүн богино хугацаанд буюу дөрвөн жилээр ажиллаж ирсэн. Энэ удаа шинээр сонгогдох Ерөнхийлөгч зургаан жилээр ажиллах учир Монгол Улсад томоохон шинэчлэлт авчрах болов уу" гэлээ.