Хөл бөмбөг бол манай гаригийн хамгийн олон үзэгчтэй спортын төрлүүдийн нэг. Магадгүй энэ спорт нь олон домогт тоглогчдыг төрүүлсэн болохоороо дэлхийн хамгийн алдартай спортын төрөл ч байж болох юм. Эдгээр гайхалтай тоглогчид нь энэ спортод  шинэ утга учир, шинэ сүнс сүлдийг нэмсэн байдаг.  Алдар нэрээ бүх дэлхий даяар домог болгон дуурсгасан  Diego Maradonа, Pelé, Ronaldo, David Beckham, Franz Beckenbauer, Zinedine Zidane, Cristiano Ronaldo нарын шилдэг хөл бөмбөгчдийн үргэлжлэл нь Аргентины хөл бөмбөгчин Лионель Месси юм.

    Месси Аргентин Улсын Санта-Фэ мужийн Росарио хотод 1987 оны зургадугаар сарын 24-ний өдөр Ган хайлшийн үйлдвэрийн ажилчин Хорге Горацио Мессигийн хүү болон мэндэлжээ. Түүний ээж нь Селия Мария Куччиттини юм. Месси  Родриго, Матиас гэж хоёр ахтай бөгөөд Мария Соль хэмээх эмэгтэй дүүтэй.  Таван настайдаа Месси хүү анх аавынхаа дасгалжуулдаг хүүхдийн “Грандоли” багт хөл бөмбөг тоглож сурах эхэллээ тавьсан гэдэг. Улмаар хөл бөмбөгийн довтлогчийн замнал нь 1995 онд  “Ньюэллс Олд Бойз” багаас эхэлжээ. Гэтэл 11 настайдаа Месси өсөлтийн гормоны дутагдал хэмээх өвчинд нэрвэгджээ.

     Хэдийгээр “Ривер Плэйт”  баг түүнийг ихээр сонирхож байсан ч Мессигийн сард 900 ам. доллар төлөх эмчилгээний зардлыг төлөх боломжгүй байв. Харин “Барселона” багийн спортын захирал Карлес Резач Мессигийн ур чадварыг анзаарч харсан байна.  Тэрбээр  хэрвээ “Барселона” багт элсэхийг зөвшөөрвөл эмчилгээг нь бүрэн хариуцаж чадна гэдгийг хэлжээ.  Ингээд 13 настай бяцхан жаал хүү азаа үзэж , хүчээ сорихоор шийджээ. Ингээд л тэр  эцэг, эхийн хамт  Өмнөд Америкийн Аргентин Улсаас,  Европ тивийн Испани Улсыг  зорьж “Барселона” багт  ирсэн юм билээ.  “Барселона” багт ирээд 14 наснаас доошх хүүхдийн багт элсэн орсон байдаг.

    Месси бол ер бусын бүтээлч, өндөр ур чадвартай тоглогч билээ. Тэрбээр талбайд солгой, төвийн хоёр  жигүүрт гайхалтай тоглолтыг үзүүлдэг, тал бүрийн авьяастай тоглогч юм.  Месси 169 см өндөртэй. Хөл бөмбөгчид дотроо харьцангүй жижиг биетэй хэдий ч бөмбөг эзэмших техник, ур чадвар, хурд, хүч сайтай тоглогч билээ. Тийм ч учраас өөрөөсөө өндөр биерхүү өрсөлдөгчийг давуу талаараа илүүрхэж тоглодог. Түүнийг итгэмээргүй хүчирхэг бөгөөд булангийн цохилт,  чөлөөт, торгуулийн цохилтоос “эцсийн цэг тавих мэргэжилтэн” гэж хэлж болно.  Месси толгойгоор ч тун муугүй тоглодог бөгөөд шаардлагатай үед тэрбээр хэд хэдэн төрлийн үүргийг өөртөө авч тоглох чадвартай .

     Дэлхийн “Шилдэг хөлбөмбөгчин”  Лионель Месси Аргентин Улсынхаа шигшээ багийн төлөө 120 гоол оруулаад байгаа.  Месси 2026 оны дэлхийн аварга шалгаруулах тэмцээнд 38 настайдаа  оролцож, шүтэн бишрэгчдээ баярлуулж байна. Тэрбээр ДАШТ-ий  эхний тойргийн тоглолтод Алжирын эсрэг 3:0-ээр  “хет-трик”  хийлээ.  2026 оны ДАШТ-ий эхний тоглолтод хоёр гайхалтай гоолыг хийсэн тоглогч боллоо.  Лео Месси шигшээ багийнхаа төлөө 200 тоглолтод оролцохдоо 120 гоол оруулсан бөгөөд дэлхийн түүхэнд хоёрдугаарт бичигдэж  байна.  Харин түүний өмнө  дээд амжилтын эзэмшигч нь Португалийн шигшээ багийн төлөө 228 тоглолтод 143 гоол оруулсан Криштиано Роналдо байгаа юм.

    Лионель Андрес Месси Куччиттини 2009, 2010, 2011, 2012, 2015, 2019, 2021, 2023 оны  Дэлхийн хөл бөмбөгийн холбооны “Шилдэг хөл бөмбөгчин” билээ. Месси 2022 оны дэлхийн аварга болсон. Тэрбээр  Испанийн Барселона, Францын “Пари Сен-Жермен”  багуудад тоглож байлаа. Харин одоо АНУ-ын “Интер Маймами”  багт хүчин зүтгэж байгаа. 2026 оны ДАШТ-д  Аргентин Улсынхаа  шигшээ багийн ахлагчаар, довтлогчийн байрлалд тоглож байна.

     Л.Месси  “Барселона” багийн залуучуудын шигшээд  2004 оны аравдугаар сараас багийн үндсэн тоглогч болж  гараагаа эхэлүүлсэн юм. Месси 21 насандаа буюу 2009 онд анх “ФИФА”-гийн оны “Шилдэг хөл бөмбөгчин” болж, “ Алтан бөмбөг”-ийн буюу "Баллон Д'Ор" шагналыг хүртэж байлаа.  2010-2011 оны “УЕФА”-гийн  “Шилдэг хөлбөмбөгчний шагналыг хүртсэн. Тэрбээр “Барселона” багийн бүх цаг үеийн “Мэргэн бууч” юм. Түүний хөл бөмбөг тоглож байгаа нь “Марадона”-тай төстэй учраас заримдаа түүнийг Марадонагийн залгамжлагч гэх нь бий.

   Месси одоогийн байдлаар “Ла” лигт 10, “Аваргуудын лиг”-т  дөрвөн  түрүүлснээс гадна 2009, 2011 оны шигшээ тоглолтуудад Английн “Манчэстэр”  багийн эсрэг гоол оруулжээ. 2011-2012 оны улиралд “Аваргуудын лигт” 12 гоол оруулж Марко Ван Бастен, Жиан Фер Папиний дараачаар нэг улиралд оруулсан гоолын тоогоороо бичигдэх болсон билээ.  Мөн “Аваргуудын лиг”-ийн мэргэн буучийн жагсаалтыг гурван жил дараалан тэргүүлсэн анхны хөлбөмбөгч юм. Тэрбээр Иохан Круифф, Мишель Платини, Марко Ван Бастен  нарын дараачаар “Баллон Д'Ор” шагналыг  гурван удаа хүртсэн дөрөв дэх хөл бөмбөгч болсон.  2012 онд тэрбээр “Барселона” багтайгаа “ Аваргуудын лиг”-ийн шөвгийн 16-д “Байер Леверкузен” багийг хожсон тоглолтод  таван гоол оруулж  “УЕФА”-гийн  “Аваргуудын лиг”-ийн түүхэнд нэг  тоглолтод таван гоол оруулсан анхны хөл бөмбөгч болж нэрээ мөнхөлсөн юм.

     Месси мөн 2005 оны “ФИФА”-гийн залуучуудын хөл бөмбөгийн дэлхийн аварга шалгаруулах тэмцээнд Аргентин Улсынхаа шигшээ багтай түрүүлж, “Шилдэг тоглогч”,  “Шилдэг мэргэн бууч”-ийн шагналыг хүртсэн. “Бээжин-2008” зуны олимпоос мөн Аргентин Улсынхаа хөл бөмбөгийн багтай алтан медаль хүртэж олимпын аварга болсон юм.  Месси шигшээ багтайгаа нийт 151 тоглолтод оролцож 76 гоол оруулаад байгаа. Тэрбээр 2010 онд “UNICEF”-ийн хүндэт элч төлөөлөгч болсон ба өөрийн “Leo Messi foundation” сангаараа боловсрол болон эмчилгээний тусламж хэрэгтэй хүүхдүүдэд тусалж эхэлсэн.  2020 онд Л.Месси-г  “Fordes” сэтгүүлийн шалгаруулалтаар  дэлхийд хөл бөмбөгийн спортоор нэг тэрбум ам.доллар олсон хоёр дахь хүн болсон гэж зарлаж  байсан юм.

Хувийн шагнал:

• 2009 онд  Дэлхийн шилдэг хөл бөмбөгчин
• 2009 онд  Европын шилдэг хөл бөмбөгчин
• 2010 онд “ФИФА”-гийн  “Алтан бөмбөг”
• 2011 онд  “ФИФА” –гийн “Алтан бөмбөг”
• 2010-2011 онд  “УЕФА”-гийн Европын шилдэг хөл бөмбөгчин
• 2010 онд  ЕХБХ-ны улирлын “Мэргэн бууч”
• 2010 онд  “Ла лиг”-ийн “Мэргэн бууч”
• 2009, 2010, 2011 онд  “Ла лиг”-ийн “Шилдэг тамирчин”
• 2009, 2010, 2011 онд  “УЕФА”-гийн  “Аваргуудын лиг”-ийн “Мэргэн бууч”
• 2009, 2010, 2011 онд  “Ла лиг”-ийн “Шилдэг довтлогч”
• 2009  онд  “УЕФА”-гийн  “Аваргуудын лиг”-ийн “Шилдэг довтлогч”
• 2011 онд  “УЕФА”-гийн “Аваргуудын лиг”-ийн шигшээ тоглолтын “Шилдэг тоглогч”.
• 2006, 2007, 2008 онд  “Дэлхийн шилдэг залуу хөл бөмбөгчин”.
• 2011 онд  Клубуудын дэлхийн аваргын “Шилдэг тоглогч”.
• 2005 онд  “ФИФА”-гийн “U-20”-ийн  дэлхийн аваргын “Шилдэг тоглогч”.
• 2005 онд  “ФИФА”-гийн “U-20”-ийн дэлхийн аваргын “Шилдэг мэргэн бууч”.
• 2011 онд  Аргентиний оны  “Шилдэг тамирчин”.
• 2007, 2009, 2010 онд  “Ла лиг”-ийн “Шилдэг гадаад хөл бөмбөгчин”.
• 2006, 2007, 2008 онд  “ФИФПро”-гийн оны “Шилдэг залуу хөл бөмбөгчин”.

Рекорд амжилтууд:

• “Барселона” багийн бүх цаг үеийн “Мэргэн бууч”  248 гоолтой.
• “Барселона” багт  “УЕФА”-гийн  “Аваргуудын лиг” дэх хамгийн олон  51 гоол.
• “Барселона” багийн Европын тэмцээнүүд дэх “Мэргэн бууч” 52 гоол.
• “Барселона” багийн бүх олон улсын тоглолт дахь Испаниас бусад тэмцээн “Мэргэн бууч”: 58 гоолтой.
• “Аваргуудын лиг”-ийн түүхэнд нэг улиралд хамгийн олон гоол оруулсан. 14 гоолтой.
• “Аваргуудын лиг”-ийн нэг тоглолтод оруулсан хамгийн олон гоол: 5 гоол.