Автомашин үйлдвэрлэгч “Тесла” компанийн хувьцааны ханш өнгөрсөн хоногт 10 гаруй хувиар буурч, 833.71 ам.долларт хүрчээ. Үүнтэй холбоотойгоор тус компанийн зах зээлийн үнэлгээ 109 тэрбум ам.доллароор унасан нь “S&P 500” индексийн хоёр дахь том уналт болоод байна.

            “Тесла” компанийн 2021 оны IV улирлын орлогын тайланг зарлах үеэрээ тус компанийг үүсгэн байгуулагч, гүйцэтгэх захирал Элон Маск “2022 онд ямар шинэ автомашин гаргахгүй. Харин шинэ үйлдвэрүүддээ анхаарна” гэж мэдэгдсэн. Тиймээс олон нийтийн “Тесла” компаниас хүлээж байсан “Cybertruck”, “Semi” автомашин болон түүний талаарх тодорхой мэдээллийг энэ онд зарлахгүй байх магадлалтай байгаа аж.